काठमाडौं- नेपाली कम्युनिष्ट पार्टी नेकपाका सांसद प्रवेश हमालले परराष्ट्रमन्त्री शिशिर खनालले दिएको स्पष्टीकरण अस्वीकार गरेका छन् ।

नेपाली कांग्रेस र नेकपा एमाले जस्तै नेपाल कम्युनिस्ट पार्टीले पनि प्रधानमन्त्री स्वयंले आएर जवाफ दिनुपर्ने माग राखेको छ ।

‘हाम्रो भूमि अतिक्रमित भएको छ । यो विषय उहाँले अभिव्यक्त गर्दा अर्को गम्भीर त्रुटि भयो । हामीले इङ्ग्ल्याण्ड सरकारसँग पनि कुरा गर्छौँ भन्नुभयो । परराष्ट्र मन्त्रीलाई हम्मेहम्मे पर्यो बचाउ गर्न । गम्भीर हुनुपर्ने गम्भीर छ । संसद्को कार्यसूचीभन्दा बाहिर आएर प्रधानमन्त्रीले गल्ती गर्नुभयो,’ उनले भने, ‘परराष्ट्रमन्त्रीज्यूलाई लिखितै पठाइदिएको भए पनि हुन्थ्यो । परराष्ट्र मन्त्रीज्यूले त केवल ढाकछोप गर्न खोज्नुभयो । अन्तर्राष्ट्रिय क्षेत्रमा पनि सीमाका बीचमा संरचनाहरू निर्माण भएका छन्। तथ्य तथ्याङ्क धेरै छन् । ती सबै कस बोर्डर होल्डिङहरु हुन । तर त्यो विषय नेपालले भारतको धेरै ठाउँमा सीमा मिचेको छ भन्ने हो ? स्पष्टीकरणले हाम्रो आत्मा सम्मान र गौरवलाई बचाउन सक्छौँ ? मेरो दलको तर्फबाट परराष्ट्र मन्त्रीको स्पष्टीकरण अस्वीकार गरेको घोषणा गर्दछु ।’