काठमाडौं– मंगलबार साँझ आएको हावाहुरी सहितको वर्षाले पूर्वी नवलपरासीको विनय त्रिवेणी गाउँपालिका १ मा २० वटा भन्दा बढी घरमा क्षति पुर्याएको छ ।
बगुवनमा १५ वटा घरको छाना उडाएको र घर भित्र रहेको अन्न र लत्ताकपडा भिजाउँदा समस्या परेको स्थानीय बुद्ध राज विश्वकर्माले बताए ।
यसै गरेर बगुवनमा रहेको आधारभूत विद्यालयको खानेपानीको ट्यान्की हावाले ढलाएको र बिजुली बत्ती नहुँदा समस्यामा परेको गुनासो गरे ।
पालिकाको बगुवनमा १५ , सिसेनी गाउँमा ५ घर र अन्य स्थानमा पनि हावाहुरीले घरको छाना उडाएको वडा अध्यक्ष दिपक पौडेलले बताए ।
तस्बिर : नेपाल फोटो लाइब्रेरी
प्रतिक्रिया