काठमाडौँ- प्रधानमन्त्री बालेन शाह नेतृत्वको क्याबिनेमा दुई अनुहार आएका छन् । सुधन गुरुङले पुनरागमन गर्दा अन्तरिम सरकारमा शिक्षा मन्त्री बनेका महावीर पुनलाई पनि अवसर दिएको छ।

दुईजना थपिएसँगै मन्त्रिपरिषद् पुनर्गठन गर्दा बालेनको साथमा अब रक्षा मन्त्रालयमात्रै बाँकी भएको छ।

राष्ट्रपति रामचन्द्र पौडेलले प्रधानमन्त्री शाहको सिफारिसमा मंगलबार मन्त्रिपरिषद्को पुनर्गठन, नियुक्ति र कार्यविभाजन स्वीकृत गरेका थिए ।

राष्ट्रपति कार्यालयद्वारा मंगलबार जारी विज्ञप्तिअनुसार प्रधानमन्त्री शाहले अब रक्षा मन्त्रालयको जिम्मेवारी मात्रै आफूसँग राखेका छन्।

पुनर्गठित मन्त्रिपरिषद्मा सुधन गुरुङ गृह मन्त्रालयको जिम्मेवारीसहित सरकारमा फर्किएका छन् । महावीर पुन विज्ञान, प्रविधि तथा नवप्रवर्तन मन्त्री नियुक्त भएका छन्।

दुवैले मंगलबार राष्ट्रपति भवनमा आयोजित समारोहमा पद तथा गोपनीयताको शपथ लिएका छन्।

मन्त्रिपरिषद्को नयाँ कार्यविभाजनअनुसार स्वर्णिम वाग्ले अर्थमन्त्री, शिशिर खनाल परराष्ट्रमन्त्री, विराजभक्त श्रेष्ठ ऊर्जा, जलस्रोत तथा सिँचाइमन्त्री र सुनिल लम्साल पूर्वाधार विकासमन्त्री बनेका छन्।

त्यसैगरी सोबिता गौतमलाई कानून, न्याय तथा संसदीय मामिला मन्त्रालयको जिम्मेवारी यथावत छ।

मन्त्रीहरूको जिम्मेवारी