काठमाडौंं– विभिन्न स्वास्थ्य विज्ञान प्रतिष्ठानमा रिक्त रहेको उपकुलपति पदका लागि कुल ११३ जनाको आवेदन परेको छ।

स्वास्थ्य तथा खाद्य स्वच्छता मन्त्रालयअन्तर्गत प्रतिष्ठानका उपकुलपति छनोट तथा सिफारिस समितिको सचिवालयले सोमबार सूचना जारी गर्दै अनलाइन माध्यमबाट प्राप्त आवेदनको विवरण सार्वजनिक गरेको हो ।

समितिका अनुसार चिकित्सा विज्ञान राष्ट्रिय प्रतिष्ठान (न्याम्स), महाबौद्ध, काठमाडौंका लागि सबैभन्दा बढी २४ वटा आवेदन प्राप्त भएका छन् । 

त्यसैगरी पोखरा स्वास्थ्य विज्ञान प्रतिष्ठानका लागि २६, पाटन स्वास्थ्य विज्ञान प्रतिष्ठानका लागि १९, राप्ती स्वास्थ्य विज्ञान प्रतिष्ठानका लागि १७ तथा बी.पी.कोइराला स्वास्थ्य विज्ञान प्रतिष्ठानका लागि १६ आवेदन परेका छन् ।

सबैभन्दा कम कर्णाली स्वास्थ्य विज्ञान प्रतिष्ठान, जुम्लाका लागि ११ जनाले आवेदन दिएका छन् ।