काठमाडौं– सरकारले केही समयमै संघीय र राष्ट्रिय सभाको संयुक्त बैठकमा आर्थिक वर्ष २०८३/०८४ को बजेट प्रस्ताव गर्दै छ । 

शुक्रबार दिउँसो ४ बजेबाट सुरु हुने भनिएको बजेट प्रस्तावका लागि अर्थमन्त्री डा.स्वर्णिम वाग्लेले संघीय संसद् भवन  पुगेर बजेट भाषण सुरु गरेका छन् । सो क्रममा यस वर्ष पनि अर्थमन्त्रीले नयाँ तरिका अपनाएका छन् । 

विगतमा कालो ब्रिफकेस झोलामा रातो रिवनले बाँधिइएको झोला लिएर अर्थमन्त्री बजेट भाषणका लागि जाने अभ्यास थियो । विगतका २ आर्थिक वर्षमा  अर्थमन्त्री रहेका क्रमशः वर्षमान पुन र विष्णु पौडेलले नेपाली अल्लोबाट बनेको ब्याग बोकेर संसदमा बजेट प्रस्तुत गरेका थिए । 

यस वर्ष भने अर्थमन्त्री डा.वाग्लेले बजेट भाषणका लागि रातो रिवनले बाधेको नेपाली कागजबाट बनेको फाइललाई बोकेर संसद् भवन पुगेका छन् ।