काठमाडौं – यू–१९ च्यालेन्जर्स एकदिवसीय क्रिकेटको पहिलो खेलमा नेपाली युवा टोली भारत पहेलोसँग फराकिलो अन्तरले पराजित भएको छ ।

हैदरवादमा सोमबार भएको पहिलो खेलमा नेपाल भारतको ‘भारत सी’ टिमसँग १० विकेटले पराजित भएको हो ।

जिमखाना मैदानमा नेपालले दिएको १ सय १५ रनको झिनो लक्ष्य भारत सीले २२ ओभर १ बलमा बिना विकेटको क्षतिमा पुरा गर्‍यो ।

भारतका लागि अर्जुन अजादले ६७ रनको अर्धशतकीय इनिङस खेले । यस्तै दिभ्यनास अजय कुमार सक्सेनाले अविजित ५२ रनको योगदान गरे ।

यसअघि टस जितेर ब्याटिङ गरेको नेपालले ३२ ओभर १ बलमा अलआउट हुँदै १ सय १४ रन बनाएको थियो ।

नेपालका कुशल मल्लले सर्वाधिक २६ रन बनाए । यस्तै शेर मल्लले १४, अरुण ऐरीले १३ र प्रतिष जिसीले ११ रन जोडे ।

नेपाललाई सस्तैमा समेट्न भारतका विद्याधर पाटिल, राक्षन, सुभाङ हेज, मुज्ताबा युसुफ र रबी रोशनले समान २–२ विकेट लिए ।

भारतले आयोजना गरेको सिरिजमा नेपालसहित भारतको तीन टिमले प्रतिस्पर्धा गरिरहेका छन् । जसमा भारतको भारत ‘एु’ भारत ‘बी’ र भारत ‘सी’ टिम रहेका छन् ।

बुधबार नेपालले दोस्रो खेलमा भारत ‘ए’ सँग खेल्नेछ ।