भोजपुर– यहाँको ऐसेलु खोलामा छ करोड ६९ लाखको लागतमा पक्की पुल निर्माण सुरु भएको छ।
पुल बनेपछि आमचोक गाउँपालिका वडा नं २, ३, ५, ६, ७ का साथै रामप्रसादराई गाउँपालिकाका दुई वडाका सर्वसाधारणको दैनिक आवागमन सहज हुनेछ ।
पूर्वाधार विकास कार्यालयका प्रमुख राजनराज रेड्डीले कोशी प्रदेश सरकारको करिब रु छ करोड ६९ लाख लागतमा पुल निर्माण थालिएको राससलाई जानकारी दिए ।
‘ऐसेलु खोला पक्की पुल निर्माण सुरु गरेका छौँ’, प्रमुख रेड्डीले भने, ‘हाल तीनमध्ये एउटा पिलर ढलान भइसकेको छ ।’ दुई ‘स्पान’मा निर्माण हुने पुल ५२ मिटर लामो हुनेछ । आगामी दुई वर्षमा निर्माण पूरा गर्ने लक्ष्य छ।
प्रतिक्रिया