दोलखा– लामोसाघु-जिरी सडक खण्डअन्तर्गत पर्ने वैतेश्वर गाउँपालिका-५ को मैनापोखरी बजारमा बिहीबार दिउँसो सवारी दुर्घटना भएको छ ।

 दुर्घटनामा मानवीय क्षति भने भएको छैन ।

इलाका प्रहरी कार्यालय मैनापोखरीका अनुसार सदरमुकाम चरिकोटबाट जिरीतर्फ आउँदै गरेको बागमती प्रदेश ०१००६ ख ६७६६ नम्बरको यात्रुवाहक बस, बजार क्षेत्रमा गुडिरहेको बा ३३ प १२९७ नम्बरको मोटरसाइकल र पार्किङ गरेर राखेको प्रदेश ३- ०१०२४च१२४५ नम्बरको बोलेरो गाडी एकआपसमा ठोक्किएका हुन् । दुर्घटना तीनवटै सवारी साधनमा क्षति पुगेको थियो

दुर्घटना हुनुको मुख्य कारण एक मालवाहक ट्रक अव्यवस्थित रूपमा बायाँ तर्फ रोकेर राखेको कारण तीन सवारी एकआपसमा ठोकिन पुगेका थिए । 

स्थानीयका अनुसार मैनापोखरी बजारमा गरिने अव्यवस्थित सवारी पार्किङ र साँघुरो सडकको कारण बजारमा सवारी दुर्घटना हुँदै आएको छ । दुर्घटनामा बोलेरो र बसमा सामान्य क्षति पुगे पनि मोटरसाइकल भने पुर्णरुपले क्षति भएको प्रहरीले जनाएको छ । 

मोटरसाइकल बसमा ठोक्किएर रोकिराखेको बोलेरोमा ठोक्किन पुगेको थियो । यो दुर्घटना जिल्लाकै सबैभन्दा ठुलो सवारी दुर्घटना भएको स्थानीयले बताएका छन् । सुवाश बस्नेत/दोलखा