एजेन्सी– एप्पलले ल्याउन लागेको आइफोन १२ का विषयमा विभिन्न खाले चर्चा चल्न थालेको छ । सन् २०२० मा एप्पलले ल्याउने आइफोन १२ अघिल्लो सिरिजभन्दा फरक हुने बताइएको छ ।

एप्पलले आइफोन १२ चलाउन सजिलो हुने गरी सानो आकारमा सार्वजनिक गर्न लागेको हो ।

एप्पलले यस विषयमा छलफल तथा परामर्श गरिरहेको छ ।

फोनएरेनाद्वारा सिर्जना गरिएको आइफोन १२ केही वर्षअघि सार्वजनिक भएको आइफोन ४ वा ५ जस्तै हुने सीनेटले जनाएको छ । जसमा सार्पर एजेससमेत हुनेछ ।

एप्पलले १२० हर्ज रिफ्रेस रेटको साथमा डिस्प्ले ५.८ इन्चबाट घटाएर ५.४ इन्च बनाउने छ । आइफोन १२ मा पछाडि चार वटा क्यामेरा जडान गर्ने र फाइभ जी समर्थनको साथ आउने अनुमान गरिएको छ ।

यसअघि आइफोन ११ प्रोमा तीन वटा क्यामेरा समावेश गरिएको थियो ।