काठमाडौँ – राष्ट्रिय खेलकुद परिषद् (राखेप) ले नेपाल क्रिकेट सङ्घ (क्यान) प्रवक्ता छुम्बी लामालाई फिर्ता बोलाएको छ ।

परिषद्ले सोमबार पत्र काट्दै लामालाई दिइएको जिम्मेवारीबाट मुक्त गरेको हो। राखेपको सङ्घसंस्था समन्वय शाखाका प्रमुख चन्द्रकुमार राईद्वारा हस्ताक्षरित पत्रअनुसार, २०८३ जेठ ११ गतेको निर्णयबमोजिम लामालाई क्यानको प्रतिनिधि सदस्यको जिम्मेवारीबाट फिर्ता बोलाइएको हो।

परिषद्ले २०८० चैत २९ गते लामालाई नेपाल क्रिकेट सङ्घको पदेन सदस्यका रूपमा मनोनयन गरी पठाएको थियो। नियुक्त भएको छोटो समयमै उनलाई फिर्ता बोलाइएको हो।

नेपाल क्रिकेट सङ्घको स्वीकृत विधान २०५५ (चौथो संशोधन २०८० सहित) को दफा ३ को उपदफा (४) को व्यवस्थाबमोजिम उनलाई जिम्मेवारीबाट हटाइएको राखेपले जनाएको छ।

यो निर्णयको जानकारी शिक्षा, विज्ञान तथा प्रविधि मन्त्रालय, खेलकुद विकास विभाग र नेपाल क्रिकेट सङ्घलाई समेत दिइएको छ। लामालाई किन फिर्ता बोलाइएको हो भन्नेबारे पत्रमा स्पष्ट कारण भने खुलाइएको छैन छ।