काठमाडौं- राष्ट्रिय स्वतन्त्र पार्टीकी सांसद सृष्टि भट्टराईले पूर्वगृहमन्त्री सुधन गुरुङसँग लिएका तस्बिर केही दिनयता भाइरल छन् ।

स्कुल-कलेजका विद्यार्थीको शैलीमा खिचिएका ती तस्बिरलाई विभिन्न कोणबाट टिकाटिप्पणी भइरहेका छन् । केही समर्थकले प्रशंसा गर्दा धेरै नकारात्मक टिप्पणी गरिरहेका छन् ।

ती त स्बिरलाई लिएर आलोचना भएपछि उनै रास्वपा सांसद भट्टराई सामाजिक सञ्जालमा भनाइसहित प्रकट भएकी छन् । उनले आफू धेरै राम्री देखिएकै आधारमा आलोचना गरिएको गुनासो गरेकी छन् ।

भट्टराईले आफू सुन्दर देखिएकै आधारमा आलोचना गरिएको भन्दै गुनासो गरेकी हुन् । यसलाई उनले पाखण्डीपनको पराकाष्टासमेत भनेर आफ्नो आलोचना गर्नेलाई जवाफ फर्काएकी छन् ।

‘अरू भ्रष्ट हुँदा केही बोल्न नसक्ने व्यक्तिले मलाई भने केवल सुन्दर देखिएकै आधारमा आलोचना गरिरहेको छ’, उनी भन्छिन्, ‘पाखण्डीपनको पराकाष्ठा ! अब म आलोचनाको कारण निराश हुने कि मेरो सुन्दरताले यतिधेरै ध्यान तानेकोमा ?’