काठमाडौं – आईपीएल २०२६ को आइतबारको दोस्रो खेलमा दिल्ली क्यापिटल्स र राजस्थान रोयल्स आमनेसामने भएका छन् । खेल नयाँ दिल्लीस्थित अरुण जेटली रंगशालामा भइरहेको छ ।

दिल्ली क्यापिटल्सले टस जितेर पहिले बलिङ गर्ने निर्णय गरेको छ । दुवै टोलीले खेलमा एक–एक परिवर्तन गरेका छन् ।

पहिले ब्याटिङ गरेको राजस्थान रोयल्सले १० ओभरको समाप्तिमा २ विकेट गुमाउँदै १०४ रन बनाएको छ । क्रिजमा ध्रुव जुरेल खेलिरहेका छन् ।

राजस्थानका लागि वैभव सूर्यवंशीले ४६ रन बनाए भने यशस्वी जैसवाल १२ रन बनाएर आउट भए । दिल्लीतर्फबाट माधव तिवारी र लुंगी एनगिडीले १–१ विकेट लिएका छन् ।

दुवै टोलीका लागि प्लेअफमा स्थान सुरक्षित गर्न यो खेल अत्यन्तै महत्वपूर्ण मानिएको छ। हालसम्मको अंक तालिकाअनुसार दिल्ली क्यापिटल्स १२ खेलमा १० अंकसहित सातौँ स्थानमा छ भने राजस्थान रोयल्स ११ खेलमा १२ अंकसहित पाँचौँ स्थानमा रहेको छ।