काठमाडौं – इन्डियन प्रिमियर लिगअन्तर्गत कोलकाता नाइट राइडर्सले गुजरात टाइटन्सलाई २४८ रनको विशाल लक्ष्य दिएको छ । ईडेन गार्डेन्स मैदानमा भएको खेलमा गुजरात टाइटन्सले टस जितेर पहिले बलिङ गर्ने निर्णय गरेको थियो ।

पहिले ब्याटिङ गरेको कोलकाताका ब्याट्सम्यानहरूले उत्कृष्ट प्रदर्शन गर्दै ठूलो स्कोर खडा गरे । टोलीका लागि फिन एडनले ३५ बलमा ९३ रनको विस्फोटक इनिङ खेले । उनको पारीमा ४ चौका र १० छक्का समावेश थिए ।

त्यसैगरी अंगकृष रघुवंशीले नटआउट ८२ रनको शानदार योगदान दिए। उनले ४४ बल खेल्दै ४ चौका र ७ छक्का प्रहार गरे ।

अन्तिम ओभरहरूमा क्यामरन ग्रीनले पनि आक्रामक ब्याटिङ गर्दै २८ बलमा नटआउट ५२ रन बनाए । उनको पारीमा ३ चौका र ४ छक्का समावेश रहे । कोलकाताका कप्तान अजिंक्य रहाणे १४ रन बनाएर आउट भए ।

गुजरात टाइटन्सतर्फ मोहम्मद सिराज र साई किशोरले १–१ विकेट लिए। तर अन्य बलरहरू महँगो सावित भए । विशेषगरी राशिद खानले ४ ओभरमा ५७ रन खर्चिए भने अरशद खानको एक मात्र ओभरमा २२ रन गएको थियो ।