काठमाडौं – विपक्षी दलको निरन्तर अवरोधका कारण प्रतिनिधिसभा बैठक दोस्रो पटक पनि स्थगित गरिएको छ । अर्थमन्त्री स्वर्णिम वाग्लेले नीति तथा कार्यक्रम प्रस्तुत गरेपछि पनि विपक्षीले छलफल अघि बढ्न नदिएको भन्दै सदनमा तनावको स्थिति बनेको हो ।

प्रधानमन्त्रीको उपस्थितिमा जवाफ दिनुपर्ने माग राख्दै विपक्षी सांसदहरूले बैठक अवरुद्ध गरेपछि सभामुखले बैठक सञ्चालन गर्ने प्रयास गरेका थिए । तर लगातारको नाराबाजी र घेरेपछि बैठकलाई १५ मिनेटका लागि स्थगित गर्नुपरेको सभामुखले जानकारी दिएका छन् ।

यसअघि पनि बैठक १५ मिनेटका लागि स्थगित गरिएको थियो । तर करिब २ घण्टापछि मात्र पुनः सुरु भएको बैठक फेरि अवरोधका कारण सुचारु हुन नसकेको हो ।

सभामुखले दलहरूबीच सहमति कायम गरी बैठकलाई नियमित प्रक्रियामा फर्काउने प्रयास जारी रहेको जनाएका छन् ।