काठमाडौं । कृषि तथा पशुपन्छी विकासमन्त्री गीत चौधरीले खाद्य गुणस्तर सुधारमा केन्द्रित हुन खाद्य प्रविधि तथा गुण नियन्त्रण विभागलाई निर्देशन दिएकी छिन् ।

विभागको अनुगमन गर्दै उनले यस्तो निर्देशन दिएकी हुन् । प्रत्येक नागरिकले उपभोग गर्ने खाद्य तथा दाना पदार्थको स्वच्छता र गुणस्तर सुनिश्चित गर्दै मानव स्वास्थ्य संरक्षणमा भूमिका निर्वाह गर्न उनको निर्देशन छ ।

यसका लागि नियमित बजार अनुगमन, गुणस्तर परीक्षण, मोबाइल भ्यान सञ्चालन, खाद्य प्रविधि विकास तथा नियम उल्लङ्घन गर्नेविरुद्ध कारबाहीलाई तीव्रता दिन भनेकी छिन् ।

विभागलाई नियमित बजार तथा उत्पादनस्थल अनुगमन, होटलदेखि सडक किनारासम्मका सबै खाद्य व्यवसायको निगरानी गर्न मन्त्रीको निर्देशन छ । रासस