काठमाडौं– राष्ट्रिय वाणिज्य बैंक र कृषि विकास बैंकका केही पदाधिकारीले राजीनामा दिएका छन् । दुवै बैंकको सञ्चालक समितिमा विगतको सरकारले नियुक्त गरेका वा सरकारको तर्फबाट सञ्चालक बनेका अध्यक्ष तथा सञ्चालकहरूले राजीनामा दिएका हुन् । 

राष्ट्रिय वाणिज्य बैंकका सञ्चालक देवकुमार ढकाल र कृषि विकास बैंकका अध्यक्ष डिमप्रसाद पौडेल र अन्य सञ्चालकहरूले रहेकाहरुले बुधबार राजीनामा दिएका हुन् । 

सरकारले अध्यादेशमार्फत् विभिन्न निकायमा नियुक्त भएका पदाधिकारीलाई पदमुक्त गरेपनि बैंक तथा वित्तीय क्षेत्रका पदाधिकारीलाई भने हटाउने उद्देश्य राखेको थिएन । 

तर, अर्थ मन्त्रालयले राजीनामा दिन संकेत गरेको कारण उनीहरूले राजीनामा दिएको बताइएको छ । अहिलेसम्म नेपाल बैंकका सञ्चालकहरूले भने राजीनामा दिएका छैनन् ।