तेहरान- इरानमा एकजना २१ वर्षीय युवकलाई फाँसीमा चढाइएको छ।

बीबीसी न्यूजका अनुसार इरानको इस्फहानमा २१ वर्षीय सासन आजादवर जोङ्गानीलाई फाँसी दिइएको हो। उनलाई जनवरीमा सरकार विरोधी प्रदर्शनका क्रममा पक्राउ गरिएको थियो।

परिवारनिकट स्रोतका अनुसार उनको अन्त्येष्टि बिहीबार दिउँसो गरिएको थियो, जसमा केवल १० जना आफन्तलाई मात्रै सहभागी हुन अनुमति दिइयो।

इरानी न्यायपालिकाले प्रदर्शनका क्रममा उनले सुरक्षा अधिकारी बोकेको मिनीबसमा ढुंगा र डण्डा प्रहार गरेका थिए । सवारीसाधनका सिसा फुटाउनुका साथै अधिकारीमाथि ढुंगा–इँटा प्रहार गरेका थिए।

न्यायपालिकाका अनुसार उनले शासनविरोधी प्रदर्शनमा सहभागी हुनुअघि नै सरकार ढाल्ने उद्देश्यसहित सडकमा उत्रिने कुरा गरेका थिए । त्यसका लागि उनले अरूलाई पनि सहभागी हुन उक्साएका थिए।