काठमाडौं– प्रमुख विपक्षी दल नेपाली कांग्रेसका संसदीय दलका नेता भीष्मराज आङदेम्बे र नेपालका लागि इजरायली राजदूत श्मुलिक आरी बासबीच भेटवार्ता भएको छ।
बुधबार दिउँसो सिंहदरबारस्थित कांग्रेस संसदीय दलको कार्यालयमा भएको भेटमा राजदूत बासले संसदीय दलको नेता चयन भएकोमा आङ्देम्बेलाई बधाई तथा शुभकामना व्यक्त गरेका थिए।
भेटका क्रममा नेता आङ्देम्बेले राजदूत बासलाई धन्यवाद ज्ञापन गरेका थिए। साथै, दुवै पक्षबीच नेपाल–इजरायल द्विपक्षीय सम्बन्ध, आपसी हित र सहकार्यका विषयमा छलफल भएको जनाइएको छ।
इजरायली राजदूत बास नेपाली कांग्रेस संसदीय दलका नेतासँग भेटका लागि सिंहदरबार पुगेका थिए।
प्रतिक्रिया