काठमाडौं – इन्डियन प्रिमियर लिग (आईपीएल) २०२६ अन्तर्गत ३४औँ खेलमा रॉयल चैलेंजर्स बेंगलुरु (आरसीबी) र गुजरात टाइटन्स (जीटी) बीच प्रतिस्पर्धा भइरहेको छ ।

शुक्रबार एम चिन्नास्वामी स्टेडियम मा भएको खेलमा बेंगलुरुले टस जितेर पहिले बलिङ गर्ने निर्णय गरेको हो ।

पहिलो ब्याटिङ गरिरहेको गुजरातले उत्कृष्ट सुरुआत गर्दै ११ ओभरमा बिना विकेट क्षति ११६ रन बनाएको छ । कप्तान शुभमन गिल र साई सुदर्शन क्रिजमा टिकेर खेलेका छन् । सुदर्शनले अर्धशतक पूरा गर्दै टोलीलाई मजबुत अवस्थामा पुर्‍याएका छन् ।

अंक तालिकामा आरसीबी ६ खेलमा ४ जित र २ हारसहित तेस्रो स्थानमा रहेको छ भने जीटी ६ खेलमा ३ जित र ३ हारसहित ६ अंकका साथ छैटौँ स्थानमा रहेको छ। दुवै टोलीका खेलाडी सूची पनि बलियो देखिएको छ, जसले खेल थप रोमाञ्चक बन्ने अपेक्षा गरिएको छ ।