बाजुरा– जिल्ला अस्पताल बाजुरामा उपचाररत एक सुत्केरीको आज हेलिकप्टरमार्फत उद्धार गरिएको छ।
बुढीनन्दा नगरपालिका–१० पाण्डुसैनकी २८ वर्षीया सनीता ल्वारले सुत्केरी गराइसकेपछि अत्यधिक रक्तस्राव हुनुका साथै बच्चाको शालमा समस्या देखिएपछि थप उपचारका लागि हेलिकप्टरमार्फत सुर्खेत प्रादेशिक अस्पताल पठाइएको हो।
प्रमुख जिल्ला अधिकारी डोरेन्द्र निरौलाका अनुसार नेपाली सेनाको हेलिकप्टर प्रयोग गरी राष्ट्रपति महिला उत्थान कार्यक्रमअन्तर्गत उद्धार गरिएको हो।
सम्बन्धित स्वास्थ्य अवस्था जटिल बनेपछि समयमै उद्धार गरेर विशेषज्ञ उपचारका लागि पठाइएको प्रशासनले जनाएको छ।
प्रतिक्रिया