काठमाडौं- जारी युरोपा लिग फुटबलको बुधबार रातिको खेलमा इंग्लिस क्लब आर्सनल बराबरीमा रोकिएको छ ।

आर्सनल पोर्चुगिज क्लब भिक्टोरिया एससीसँग १-१ गोलको बराबरीमा रोकिएको हो ।

भिक्टोरियाको मैदानमा सुरुवाती अग्रता बनाए पनि अन्तिम केहि मिनेट सम्हालिन नसक्दा आर्सनल बराबरीमा रोकिएको हो ।

पहिलो हाफ गोलरहित बराबरीमा सकिएको खेलको ८० औं मिनेटमा शोक्द्रान मुस्ताफीले गोल गर्दै आर्सनललाई अग्रता दिलाएका थिए ।

तर, खेलको इन्जुरी समयमा ब्रुनो दुआर्टेले गोल गर्दै भिक्टोरियालाई १-१ गोलको बराबरीमा फर्काए ।

बराबरीसँगै समूह एफ को आर्सनलले ४ खेलमा १० अंक जोडेको छ । आर्सनल समूहको शीर्ष स्थानमा छ ।

भिक्टोरिया १ अंक जोडेर पुछारमा छ । भिक्टोरियाको यो पहिलो अंक समेत हो ।