काठमाडौं– चीन भ्रमणमा निस्किने नेपाली यू–१९ महिला क्रिकेट टोलीको घोषणा भएको छ । चीनको साङ्घाइमा हुने खेलका लागि १७ सदस्यीय महिला टोलीको मंगलबार घोषणा भएको हो ।

चीन जाने टोलीको कप्तानी डोली भट्टले पाएकी छन् । डोलीको नेतृत्वमा छनोट भएको टिममा कविता कुबँर उपकप्तान, किर्तिका मरासिनि, यशोधा बिष्ट, शृष्टि जैसी, राजमती ऐरी, इश्वरी बिष्ट, लक्ष्मी साउद छनोट भएकी छन् ।

यस्तै, खुसी डङ्गोल, गोमा आले, ज्वती दनुवार, निग्मा तामाङ, शिला रेग्मी क्षेत्री, लखिता राजवंशी छन् भने वैकल्पीक खेलाडीमा हेलिशा लामा गुरुङ, पेम लम्बु शेर्पा, मनिसा राना रहेकी छन् ।

टोलीको व्यवस्थापकमा अमृता पौडेल रहेकी छन् भने मुख्य प्रशिक्षकमा कलाम अलि र फिजियोमा सकुना दानस् छन् । नेपालको समूहमा चीन, थाइल्यान्ड र साउदी अरब छन् ।

नेपालले प्रतियोगिताको पहिलो खेल ११ नोभेम्बरमा थाइल्यान्डसँग खेल्नेछ भने १२ नाभेम्बरमा आयोजक टोली चीन र साउदी अरबसँग बिहान र बेलुका गरि दुई खेल खेल्नेछ भने १४ नाभेम्बरमा मलेसियासँग खेल्ने नेपाली महिला टोलीले १५ मा म्यानमारसँग अन्ति खेल खेल्नछ ।