काठमाडौं– राष्ट्रिय स्वतन्त्र पार्टीले संसदीय सुनुवाइ समितिको सभापतिमा बोधनारण श्रेष्ठलाई उम्मेदवार बनाउने निर्णय गरेको छ । पार्टी महामन्त्री कवीन्द्र बुढाकोटीका अनुसार श्रेष्ठसँगै प्रतिपक्षी दलबाट पनि संयुक्त रुपमा एकजना सभापति बन्ने देखिन्छ ।

पार्टीले सार्वजनिक लेखा समितिको सभापति प्रमुख प्रतिपक्षीलाई दिँदा यो संसदीय सुनुवाइ समितिको सभापतिमा आफ्नो पार्टी र प्रतिपक्षी दलबाट संयुक्त रूपमा अगाडि बढाएको देखिन्छ ।

यस्तै राष्ट्रिय स्वतन्त्र पार्टीले राज्यका निर्देशक सिद्धान्त नीति र दायित्वको कार्यान्वयन अनुगमन तथा मूल्याङ्कन समितिको सभापतिमा गणेश कार्कीलाई चयन गरेको छ । कार्कीसँगै यो समिति सभापति प्रतिपक्षीलाई दिइने भएको छ । महामन्त्री बुर्लाकोटीका अनुसार संयुक्तरूपमा कार्की र प्रतिपक्षी दलका समिति सभापति रहनेछन् ।

पार्टीले दुईवटा समितिमा संयुक्त रूपमा आफ्नो पार्टी र प्रमुख प्रतिपक्षीबाट संसदीय समितिको सभापति बनाउन लागेको हो । 

प्रमुख प्रतिपक्षी दल नेपाली कांग्रेसलाई सार्वजनिक लेखा समितिको सभापति दिँदा संसदीय सुनवाइ समिति र अनुगमन तथा मूल्याङ्कन समितिको सभापति संयुक्त कसलाई दिन्छ भन्ने विषयमा भने खुलाएको छैन ।