काठमाडौं– प्रधानमन्त्री तथा मन्त्रिपरिषद् कार्यालयले सिंहदरबारस्थित सबै मन्त्रालयहरूलाई आफ्ना मातहतमा रहेका सरकारी सवारी साधनको विवरण उपलब्ध गराउन निर्देशन दिएको छ।
कार्यालयले बिहीबार पत्राचार गर्दै सवारी साधनहरूको अद्यावधिक विवरण संकलन गर्न लागिएको जनाएको हो। मन्त्रालय र अन्तर्गतका विभाग र कार्यालयमा प्रयोगमा रहेका दुईपाङ्ग्रे र चारपाङ्ग्रे सवारी साधनको विवरण यथाशीघ्र पठाउन भनिएको छ।
सवारी साधनको व्यवस्थापन तथा अभिलेखीकरणलाई व्यवस्थित बनाउन विवरण संकलन गर्न लागिएको हो।
सवारी साधनको विवरणमा सवारी साधनको नाम, नम्बर, प्रयोगकर्ता, प्रयोगको अवस्था लगायतका विवरण समेट्नुपर्ने उल्लेख गरिएको छ।
प्रतिक्रिया