काठमाडौं- गृहमन्त्री सुधन गुरुङ नवलपुरको देवचुली क्षेत्रमा पुगेका छन्। त्यहाँ पुगेर उनले स्थानीय उद्योगबाट निस्किने दूषित पानीको अवस्थाबारे स्थलगत अनुगमन गरेका छन्।

स्थानीय बासिन्दाले उद्योगबाट निस्किएको फोहोर पानीका कारण मानव स्वास्थ्य तथा वन्यजन्तुमा असर परेको गुनासो गरेका छन् । उनीहरूले त्यसलाई रोक्नका लागि गृहमन्त्री गुरुङको ध्यानाकर्षण गराएका छन्।

आइतबार सांसद राजन गौतमसहितको टोलीले गृहमन्त्रीलाई ज्ञापनपत्र बुझाउँदै समस्या समाधानका लागि पहल गर्न आग्रह गरेको थियो।

त्यसपछि गृहमन्त्री गुरुङले स्थानीयसँग संवाद गर्दै उद्योगबाट बग्ने दूषित पानीको नाला र उक्त पानी नारायणीदीमा मिसिने स्थानको पनि निरीक्षण गरे।

दूषित पानीका कारण नवलपुरमा गैंडाहरू धमाधम मृत भेटिएको भन्दै स्थानीयहरूले गृहमन्त्री गुरुङलाई ध्यानाकर्षण गराएका छन्।

विभिन्न उद्योगबाट आएको दूषित पानी खोलामा मिसिँदा त्यसैलाई जनावरले पिउँदा मृत भेटिएको स्थानीयबासीले गुनासो गरेका छन्। दूषित पानी निस्किने उक्त औद्योगिक क्षेत्रको पिन गृहमन्त्री गुरुङले अवलोकन गरे।