काठमाडौं – ०७६ पुसको भ्रमण भारतीय गायिका आशा भोसलेको अन्तिम नेपाल भेट भएको छ ।
आइतबार ९२ वर्षको उमेरमा उनको मुम्बईमा निधन भयो ।
आशा र नेपाली कला क्षेत्रको सम्बन्ध ६ दशकभन्दा पुरानो हो । सन् १९६६ मा प्रदर्शनमा आएको फिल्म ‘माइतीघर’को गीत ‘प्राणभन्दा प्यारो माइतीघर’मा उनको स्वर छ ।
उनी पाश्र्व गायन र युगल गायनबाट नेपालसँग जोडिएका हुन् ।
उनी ६ दशकअघि नै पहिलो पटक नेपाल आएको संगीत क्षेत्रका पाका व्यक्तिहरू सुनाउँछन् ।
तर, सांगीतिक प्रस्तुति दिनका लागि भने उनी ०७६ सालमा आएकी थिइन् ।
‘म्युजिक जर्नी अफ रञ्जित गजमेर विथ आशा भोसले’ कार्यक्रमका लागि उनी नेपाल आएकी थिइन् ।
रञ्जितसँगकै सम्बन्ध र सम्पर्कबाट उनी नेपाली कला क्षेत्रसँग जोडिएको सुनिन्छ ।
आशाले गजमेरबारे त्यस बेला भनेकी थिइन्, ‘उसलाई म कान्छा भनेर बोलाउँछु । गजमेर वा त्यो यो जान्दिनँ । कान्छाले बलाएर म नेपाल आएकी हुँ ।’
खैर, दर्जनौं कालजयी गीत गाएका आशाको नेपालमा फ्यान फलोइङ राम्रो छ । उनलाई हेर्न र प्रत्यक्ष सुन्न फ्यान जाने भइहाले ।
साँझ सात बजे राजधानीको एक होटलमा उनी प्रस्तुति दिन मञ्चमा उक्लिइन् । गडगडाहट ताली बज्यो ।
त्यसपछि आशाले व्यङ्ग्य गर्दै भनिन्, ‘अहिले म ८६–८७ वर्षमा हिँडिरहेकी छु । काठमाडौंको एयरपोर्टमा झर्ने बेला म सोच्दै थिएँ– ‘नेपालले मलाई किन यति चाँडो बोलाएको होला ? दुई–तीन वर्ष ढिला गरेको भए त मलाई बोलाउन माथि नै आउनुपथ्र्यो ।’
आफ्नो ढल्किएको उमेरलाई मृत्युसँग जोडेर आफ्नै मजाक गरिन् । हल हाँसोले गुञ्जियो ।
त्यसको ७ वर्षपछि आशाले भौतिक शरीर त्यागिन् ।
त्यस बेला नबोलाएको भए ?
प्रतिक्रिया