काठमाडौं- नेपालका लागि चिनियाँ राजदूत झाङ माओमिङले प्रधानमन्त्री वालेन्द्र शाहसँग कूटनीतिक प्रतिनिधिमण्डलसहित भेट गरेको बताएका छन्।

भेटपछि उनले भनेका छन्, ‘प्रधानमन्त्री वालेन्द्र शाहसँग कूटनीतिक समूहसहित भेट गर्न पाउँदा सम्मानित महसुस भयो।’

उनले चीनको उच्च गुणस्तरीय विकास र उच्चस्तरीय खुलापनबाट नेपालले लाभ लिन सक्ने उल्लेख गरे । दुवै देशबीचको रणनीतिक साझेदारी अझ सुदृढ हुने विश्वास पनि उनले व्यक्त गरे।

राजदूत झाङ माओमिङले विशेषगरी विकास सहकार्यमार्फत् दुवै देशका जनताले प्रत्यक्ष लाभ पाउने पनि बताएका छन् ।

बुधबार प्रधानमन्त्रीले एकैसाथ नेपालस्थित कूटनीतिक, राजदूतसहित दर्जनौसँग सिंहदरबारमा संवाद गरेका छन् ।