काठमाडौं– काठमाडौं जिल्ला अदालतका नायव सुब्बा ५ लाख रुपैयाँ घुससहित पक्राउ परेका छन् ।
सवारी ज्यान मुद्दा सहज बनाइदिने भन्दै सेवाग्राहीसँग लिएको ५ लाख रुपैयाँ घुससहित नायव सुब्बा भोलानाथ चालिसे पक्राउ परेका हुन् ।
विशेष सूचनाको आधारमा अख्तियार दुरुपयोग अनुसन्धानको काठमाडौं टंगालस्थित कार्यालयबाट खटिएको टोलीले नासु चालिसेलाई घुस लिइसकेको अवस्थामा पक्राउ परेको हो ।
चालिसेलाई काठमाडौं जिल्ला सरकारी वकिलको कार्यालय रहेको बबरमहलस्थित वन परिसरबाट पक्राउ गरिएको अख्तियार दुरुपयोग अनुसन्धान आयोगका प्रवक्ता रामेश्वर दंगालले जानकारी दिए ।
प्रतिक्रिया