काठमाडौं – र्‍यापर भिटेन (समिर घिसिङ) ले चलचित्र ‘सरौतो’को प्रचारात्मक गीत गाएका छन् । उक्त गीतमा भिटेनकै शब्द तथा संगीत सुन्न सकिन्छ ।

तिहार पारेर छायांकन गरिएको गीतमा भिटेनलाई फरक रुपमा देख्न सकिनेछ । गीतको भिडियोमा भिटेन सँगसँगै नायिका सुमी मोक्तानको पनि अभिनय रहनेछ । फिल्मका निर्देशक हरी हुमागाईंका अनुसार फिल्मकै थिम अनुसार गीतलाई तयार पारिएको छ ।

फिल्मको कुरा गर्नुपर्दा ‘सरौतो’ मा सुमी मोक्तान, सन्नी सिंह, आमिर गौतम, अरुणा कार्की, सुवाङ्गम शाह, लियो ट्यांक, विजय लामा, धिरेन शाक्य , युवराज लामा, मनिषा पुन मगर, प्रतिक दुलाल लगायतका कलाकारले अभिनय गरेका छन् ।

एक्सनप्रधान यो चलचित्रमा रिभेन्जको कथा देखाइएको छ । फिल्ममा राघव कृष्ण गौतमको लेखन, उत्तम हुमागाईंको छायांकन, निमेष श्रेष्ठको सम्पादन, प्रविण मानन्धरको कलर, ब्याकग्राउण्ड स्कोर ग्लिटर स्टूडियो, शंकर महर्जनको एक्सन देख्न सकिन्छ ।