काठमाडौं– कानुन, न्याय तथा संसदीय मामिलामन्त्री सोबिता गौतम चितवन राष्ट्रिय निकुञ्ज भित्रको कसरा क्षेत्रमा अवस्थित बिक्रम बाबा मन्दिरको दर्शनका साथै पूजाआराधना गरेकी छन् । 

मन्त्री गौतमले आफ्नो निर्वाचन क्षेत्र चितवन–३ अन्तर्गत पर्ने निकुञ्जभित्र रहेको बिक्रम बाबा मन्दिरको दर्शनका साथै पूजाआराधना गरेकी हुन्।

मन्त्री गौतमले विक्रमबाबा मेलामा सहभागी भई सालको रूखको फेदमा पूजा–अर्चना गरेकी थिइन्भने प्रकृति–पूजासँग जोडिएको यस परम्पराले वन, नदी तथा प्राकृतिक स्रोतप्रति संरक्षणको भावना अभिवृद्धि गर्ने विश्वास व्यक्त गरेकी थिइन् । हरेक वर्ष चैतेदशैंदेखि १५ दिनसम्म चल्ने बिक्रम बाबा मन्दिरको पूजा आराधनामा हजारौं भक्तजन पुग्ने गर्दछन् ।

बिक्रम बाबा मन्दिरलाई स्थानीय रूपमा धार्मिक आस्थाको केन्द्रका रूपमा लिइन्छ । बिक्रमबाबाको पूजा गर्दा मनोकामना पूरा हुने विश्वास रहेको छ ।