काठमाडौं – सरकारले गत भदौ २४ गते घटेको घटनाको सत्यतथ्य छानबिनका लागि उच्चस्तरीय छानबिन समिति गठन गर्ने निर्णय गरेको छ।

मन्त्रिपरिषद्को शुक्रबारको बैठकले स्वीकृत गरेको ‘शासकीय सुधार सम्बन्धी १०० बुँदे कार्यसूची’ मा भदौ २४ गते घटेको घटनाको छानबिनका लागि समिति गठन गर्ने उल्लेख गरिएको छ ।

भदौ २३ र २४ गते भएको जेनजी आन्दोलनका क्रममा २४ गते ठूलो जनधनको क्षति भएको थियो । यसअघि गौरीबहादुर कार्की नेतृत्वको जाँचबुझ आयोगले भदौ २३ गतेसँग सम्बन्धित विषयमा प्रतिवेदन तयार पारेको भए पनि २४ गतेको घटनामा थप छानबिन आवश्यक रहेको सुझाव दिएको थियो।

यसै सिफारिसको आधारमा प्रधानमन्त्री बालेन शाह नेतृत्वको मन्त्रिपरिषद्ले उच्चस्तरीय समिति गठन गर्ने निर्णय गरेको हो।