काठमाडौं – प्रधानमन्त्री बालेन्द्र शाहले आफ्ना विश्वासपात्र सुनिल लम्साललाई भौतिक पूर्वाधार तथा सहरी विकास मन्त्रालयको जिम्मेवारी दिने भएका छन्।

काठमाडौं महानगरपालिकाको मेयर हुँदा शाहको सचिवालयमा रहेर काम गरेका लम्साललाई पूर्वाधार र सहरी विकाससम्बन्धी जिम्मेवारी दिइन लागेको हो। यसअघि उनलाई गृहमन्त्री बनाउने चर्चा भए पनि अन्ततः सुदन गुरुङलाई गृह मन्त्रालयको जिम्मेवारी दिँदै लम्साललाई भौतिक मन्त्रालयमा ल्याउने निर्णय गरिएको बताइएको छ।

३५ वर्षीय लम्साल पेशागत रूपमा दक्ष मानिन्छन्। उनले पूर्वाधार विकास, सहरी योजना तथा सुशासनका क्षेत्रमा काम गरेको अनुभव राख्छन्। महानगरको सचिवालयमा रहँदा पनि उनले पूर्वाधार र सहरी योजनासम्बन्धी काममा सक्रिय भूमिका खेलेका थिए।

सरकार गठनसँगै शाहले आफ्नो नजिकका सहयोगीलाई महत्वपूर्ण जिम्मेवारीमा ल्याउने रणनीति अनुसार लम्साललाई उक्त मन्त्रालयको जिम्मेवारी दिन लागिएको स्रोतले जनाएको छ।