काठमाडौं – संविधानविद् डा. भीमार्जुन आचार्यले भदौ २३ र २४ गतेका घटनाबारे सार्वजनिक गरिएको जाँचबुझ आयोगको प्रतिवेदनप्रति असन्तुष्टि व्यक्त गरेका छन् ।

सामाजिक सञ्जालमार्फत धारणा सार्वजनिक गर्दै आचार्यले गाईको निबन्ध लेख्न भनिएकोमा गधाको निबन्ध बुझाएको उदाहरण दिँदै आयोगले मूल घटनाको गम्भीरता नै बेवास्ता गरेको आरोप लगाएका छन् ।

उनका अनुसार भदौ २३ र २४ मा भएको जेनजी आन्दोलनका क्रममा भएका संवेदनशील अपराध र सम्भावित देशद्रोह जस्ता विषयलाई प्रतिवेदनले पर्याप्त रूपमा समेट्न सकेको छैन। ‘त्यो केही पनि होइन, खास केही भएकै थिएन भन्ने जस्तो बनाइएको छ,’ उनले टिप्पणी गरेका छन्।

आचार्यले उक्त घटनाका योजनाकार तथा संलग्न पक्षहरूको चाहना अनुरूप नै प्रतिवेदन तयार गरिएको आशंका समेत व्यक्त गरेका छन् ।