काठमाडौं- भदौ २३ र २४ गते भएको जेन–जी आन्दोलनको छानबिनका लागि बनेको गौरीबहादुर कार्की आयोगको प्रतिवेदनमा नगर प्रहरीले प्रदर्शनकारीमाथि दमन गरेको उल्लेख छ ।

बुधबार सार्वजनिक भएको उक्त प्रतिवेदनको ५९० पृष्ठमा बानेश्वरस्थित संसद भवन अगाडी शान्त रुपमा प्रदर्शन भइरहेकोमा नगर प्रहरीले बल प्रयाग गर्न खोजिएको खुलाइएको हो ।

‘प्रदर्शनकारीहरूले मेन गेट अगाडी ढलेका व्यारिकेट सडकमा राखी व्यारिकेट पछाडी पम्पलेटसहित प्रदर्शन गरिरहेका थिए । यसै क्रममा १ बजेर ३४ मा नगर प्रहरी (सिटी पुलिस) को टोली गाडीबाट निस्केर शान्त प्रदर्शनकारीतर्फ बल प्रयोग गर्दै बढेको थियो भने अन्य स्थानबाट प्रहरीद्वारा व्यापक रूपमा अश्रुग्यास प्रयोग गरी भीडलाई तितरबितर गरेको देखिन्छ,’ प्रतिवेदनमा उल्लेख गरिएको छ ।

त्यसबेला शान्त माहोलमा ३५/४० जना बाइकमा सवार समूहको मेन गेट अगाडी प्रवेश भएको थियो । ‘बीआईसीसी पीटीजेडमा मेन गेट अगाडीको भीडको माहोल शान्त अवस्थामा रहेकोमा १३ः१९ मा ३५–४० को संख्यामा बाइकसवार समूहको मेन गेट अगाडी प्रवेश भएको थियो,’ प्रतिवेदनमा उल्लेख छ ।