अमरगढी– चिकित्सा शिक्षा क्षेत्र सुधारको माग राख्दै आएका डा. गोविन्द केसी पछिल्लो अनसनका लागि सुदूरपश्चिमको पहाडी जिल्ला डडेल्धुरा पुगेका छन् ।

डा. केसीले केही समयमा पत्रकार सम्मेलन गरी अनसन घोषणा गर्न लागेका छन् ।
डा केसीले खबरहबसँग भने, ‘मैले अनसन बस्ने ठाउँ भेटिसकेको छु, डडेल्धुरा अस्पतालको छेउमा रहेको निजी भवनमा आज ५ बजेदेखि अनसन शुरु गर्न लागेको छु ।’

डा. केसी डडेल्धुराको अस्पताल लाइनमा रहेको एउटा निजी क्लिनिकमा अनसन बस्न लागेका हुन् । डडेल्धुरा अस्पतालमै काम गर्ने निलकण्ठ भट्टले सञ्चालन गर्दै आएको निर्मल क्लिनिकमा केसीको अनसनका लागि व्यवस्थापन गरिएको जनाइएको छ ।

डा केसीका लागि क्लिनिकको दोस्रो तलमा व्यवस्था मिलाइएको जनाइएको छ ।