काठमाडौं- द्वन्द निर्देशक अष्ट महर्जनको डेब्यु निर्देशन रहेको फिल्म ‘गुञ्जन’मा नायिका नीता ढुंगाना बोल्ड अवतारमा प्रस्तुत भएकी छिन् ।
चलचित्रको एउटा आइटम गीतमा उनको बोल्ड अवतार प्रस्तुत भएको हो । ‘कोही भन्छन् रसिली छु रे’ बोलको आइटम गीतमा निताले आइटम डान्स गरेकी छिन् ।
गीतमा नायिका नीता ढुंगानासहित फिल्मका मुख्य कलाकार सरोज खनाल, प्रितम राज सेञ्चुरी र कविर खड्काले अभिनय गरेका छन् ।
फिल्मलाई फागुनको पहिलो हप्ता प्रदर्शनमा ल्याउने तयारी रहेको निर्देशक महर्जनले बताए । महेश दवाडीको कथा रहेको फिल्ममा कल्याण सिंह संगै अर्जुन पोखरेलको संगीत, राजेश श्रेष्ठको छायांकन र कविराज गहतराजको कोरियोग्राफी रहेको छ ।
प्रतिक्रिया