काठमाडौं– राष्ट्रिय स्वतन्त्र पार्टीका सभापति रवि लामिछानेले आफ्ना सांसदहरूलाई ठूला हल र विदेशी सेमिनारभन्दा जनताको घरदैलो, गाउँ–टोल र चिया चौतारोमै सक्रिय देखिन आग्रह गरेका छन्।

पार्टीले आयोजना गरेको दुई दिने अभिमुखीकरण कार्यक्रम समापन गर्दै उनले जनताको मतबाट निर्वाचित प्रतिनिधि भएकाले जनतासँग प्रत्यक्ष जोडिएर काम गर्नुपर्ने बताए। जनताले दुःख पाउँदा त्यसको जिम्मेवारी सम्बन्धित सांसदले लिनुपर्ने उल्लेख गर्दै उनले आफूलाई सुखका लागि नभई सेवा गर्न पठाइएको स्मरण गराए।

‘ठूलाठूला कार्यक्रम र विदेशी सेमिनारतिर होइन, आफ्नै निर्वाचन क्षेत्रका गाउँ–बस्ती र चिया चौतारामा सांसदहरूलाई देख्न चाहन्छु,’ उनले भने।

सांसद पदले मात्रै ज्ञान नदिने भन्दै उनले निरन्तर अध्ययन र आत्मविकास आवश्यक रहेकोमा पनि जोड दिए।