खोटाङ- खोटाङमा हेलिकप्टर दुर्घटना भएको छ । खोटाङको केपिलासगढी गाउँपालिका-२ खार्तम्छास्थित बालाबेंसीमा काठमाडौंबाट शव लिएर पुगेको हेलिकप्टर अवतरणका क्रममा दुर्घटनामा परेको हो ।

वडा नम्बर २ का स्थानीयलाई बोकेर पुगेको एयर डाइनेस्टीको हेलिकप्टर अवतरणपछि दुर्घटनामा परेको हो ।

उक्त हेलिकप्टरमा सवार यात्रु झार्नुअघि दुर्घटनामा परेको हो । अस्थायी हेलिप्याडमा अवतरणका क्रममा हेलिकप्टर पल्टिएको हो ।

हेलिकप्टर टुक्रा टुक्रा भएको छ । तर यो दुर्घटनामा मानवीय क्षति भने भएको छैन । पाइलट सकुशल छन् भने एकजनालाई सामान्य चोट लागेको छ ।

स्थानीयका अनुसार के कारणले यो दुर्घटना भएको केही खुलेको छैन । हेलिकप्टर पल्टिएपछि पाइलट त्यहाँबाट अन्यत्र गएको स्थानीय प्रत्यक्षदर्शीले बताएका छन् ।