काठमाडौँ– मनमोहन प्राविधिक विश्वविद्यालय मोरङले चिनियाँ राष्ट्रपतिको पुस्तक नजलाइएको दाबी गरेको छ ।

मंगलबार एक विज्ञप्ति जारी गर्दै सामाजिक सञ्जालमा देखाइएजस्तो कुनै पनि विशेष पुस्तक वा सामग्रीलाई लक्षित गरी नष्ट नगरिएको उल्लेख गरिएको हो ।

‘हाल सामाजिक सञ्जालमा हाम्रो संस्थासँग सम्बन्धित भनी केही तस्बिर तथा सूचनाहरू प्रशारित भएकोप्रति हाम्रो ध्यानाकर्षण भएको छ,’ विज्ञप्तिमा उल्लेख छ, ‘सामाजिक सञ्जालमा देखाइएजस्तो कुनै विशेष पुस्तक वा सामग्रीलाई लक्षित गरी नष्ट गरिएको होइन भन्ने कुरा स्पष्ट पार्न चाहन्छौँ ।’

यसअघि यसघटनालाई लिएर चिनियाँ दूतावासले सरकारलाई ध्यानाकर्षण गराएपछि गृहमन्त्रालयले आवश्यक कारबाही अघि बढाउन स्थानीय प्रशासनलाई निर्देशन दिएको थियो ।