काठमाडौँ – श्रम संस्कृति पार्टीका अध्यक्ष एवं धरान उपमहानगरपालिकाका पूर्वप्रमुख हर्कराज राईले देश निर्माणको आधार केवल श्रम र श्रमदान मात्र भएको बताएका छन्। फागुन २१ गते सम्पन्न प्रतिनिधिसभा सदस्यको निर्वाचनमा आफ्नो पार्टीले ७ सिट जितेर राष्ट्रिय राजनीतिमा उदाएपछि सामाजिक सञ्जालमार्फत उनले यस्तो धारणा राखेका हुन्।

विजयी नतिजाबाट उत्साहित बनेका अध्यक्ष राईले आफ्ना कार्यकर्ता र समर्थकहरूलाई ‘श्रम संस्कृतिलाई मौरी’ को संज्ञा दिँदै अझ संगठित हुन आह्वान गरेका छन्।

निर्वाचनमा ७ सिट हासिल गरेसँगै अब संसद्मा श्रम संस्कृति पार्टीको भूमिका कस्तो रहला भन्ने चासो बढेको छ। स्थानीय तहमा श्रमदानको अभियान चलाएर चर्चामा आएका राईले अब राष्ट्रिय राजनीतिमा पनि सोही ‘श्रम संस्कृति’ लाई प्राथमिकता दिने संकेत गरेका छन्।