काठमाडौं – आज सर्वोच्च अदालतले अन्तरिम आदेश नदिएपछि धनुषा–१ मा नेकपाका उम्मेदवार मातृकाप्रसाद यादव विजयी घोषित गरिएको छ।
निर्वाचन आयोगले यादवलाई प्रतिनिधि सभा सदस्य पदमा निर्वाचित भएको प्रमाणपत्र हस्तान्तरण गरेको हो ।
यस क्षेत्रमा राष्ट्रिय स्वतन्त्र पार्टी (रास्वपा)का उम्मेदवार किशोरी साह कमलको उम्मेदवारी निर्वाचन आयोगले खारेज गरेको थियो । उम्मेदवारी खारेज भए पनि निर्वाचनमा रास्वपालाई अत्यधिक मत प्राप्त भएपछि यो विषय सर्वोच्च अदालतसम्म पुगेको थियो ।
आज अन्तरिम आदेश जारी नगरेपछि धनुषा–१ मा नेकपाका उम्मेदवार मातृका प्रसाद यादवलाई विजयी घोषित गरिएको हो ।
प्रतिक्रिया