काठमाडौं- निर्वाचन आयोगले फागुन २१ गतेको निर्वाचनअन्तर्गत १६५ मध्ये १५५ क्षेत्रको नतिजा सार्वजनिक गरेको छ । सार्वजनिक गरिएको नतिजा अनुसार राष्ट्रिय स्वतन्त्र पार्टीले सबैभन्दा बढी सिट जितेको छ ।

११९ क्षेत्रमा विजय हासिल गरेको यो पार्टीले १० क्षेत्रको मतगणना बाँकी रहँदा हालसम्म ६ क्षेत्रमा अग्रता कायम गरेको छ ।

राष्ट्रिय स्वतन्त्र पार्टीले समानुपातिकतर्फ २१ लाख ४८,१३० मत ल्याएको छ । २०७९ को निर्वाचनमा राष्ट्रिय स्वतन्त्र पार्टीले ११ लाख ४,२४५ मत ल्याएको थियो । नेपाली कांग्रेसले समानुपातिकमा ७ लाख ३४,६५१ मत ल्याएर दोस्रो स्थानमा रहँदा प्रत्यक्षमा १७ सिट जितेको छ ।

प्रत्यक्षतर्फ ७ सिट जितेको एमालेले तीन क्षेत्रमा अग्रता कायम गरेको छ । एमालेले ६ लाख २५,३७५ मत ल्याएर समानुपातिकमा तेस्रो भएको छ ।

हाालसम्म ७ सिट जितेको नेपाल कम्युनिस्ट पार्टीले एक क्षेत्रमा अग्रता लिएको छ । नेपाली कम्युनिष्ट पार्टीले समानुपातिकमा दुई लाख ९०,९३७ मत ल्याएको छ ।

हर्क साम्पाङको श्रम संस्कृति पार्टीले तीन ठाउँमा जित्दा समानुपातिकमा ९९ हजार ४११ मत ल्याएको छ ।