काठमाडौं– भक्तपुर–२ मा राष्ट्रिय स्वतन्त्र पार्टी (रास्वपा)का उम्मेदवार राजीव खत्री विजयी भएका छन् । 

शनिबार सम्पन्न मतगणना अनुसार खत्री ४२ हजार ३३४ मत प्राप्त गरी विजयी भएका हुन् । भक्तपुर–२ मा एमालेका महेश बस्नेतले १० हजार ९९६ मत प्राप्त गर्दा कांग्रेसका कबिर राणाले आठ हजार ४०१ मत प्राप्त गरे ।

भक्तपुर २ मा जित हासिल गरे पनि सञ्चारकर्मीसँग कुरा गर्दै राजीव खत्रीले आम जनतामा देखिएको पुस्तान्तरण र रूपान्तरणको नजिता अहिले आएको बताए  । उनले आफूले जिते पनि कसैले हारको महसुस गर्नु नपर्ने र सबैको सही मुद्दा र एजेन्डाहरूलाई अघि बढाउने प्रतिबद्धता जनाए ।

नियत सफा राखेर आफू भक्तपुरमा आएको भन्दै उनले आगामी दिनमा भक्तपुरका जनतासँगै मिलेर काम गर्ने धारणा राखे ।  भक्तपुर २ मा ९८ हजार ३५६ मतदाता रहेकामा ७२ हजार ७६१ मत खसेको थियो ।