काठमाडौं – प्युठानमा जारी प्रतिनिधिसभा निर्वाचनको मतगणनामा नेपाली कांग्रेसका उम्मेदवार डा. गोविन्दराज पोखरेल अग्रस्थानमा रहेका छन् ।
ऐरावती र गौमुखी गाउँपालिकाको मतगणना सम्पन्न हुँदा पोखरेलले ५ हजार ४४२ मत प्राप्त गरेका छन् । त्यस्तै, राष्ट्रिय स्वतन्त्र पार्टीका सुसान्त वैदिकले ४ हजार ६५० मत ल्याउँदै दोस्रो स्थानमा छन्।
नेकपा एमालेका सूर्य थापाले २ हजार ४३६ मत प्राप्त गरेका छन् भने नेकपाका कृष्णध्वज खड्काले १ हजार ५५२ मत ल्याएका छन्। यस्तै, राष्ट्रिय जनमोर्चाका तिलक जिसीले १ हजार २६८ मत प्राप्त गरेका छन्।
हाल प्युठानको सरुमारानी गाउँपालिकाको मतगणना जारी रहेको निर्वाचन अधिकृतको कार्यालयले जनाएको छ।
प्रतिक्रिया