गुल्मी – प्रतिनिधिसभा सदस्य निर्वाचन अन्तर्गत गुल्मी क्षेत्र नम्बर २ को मतगणनामा राष्ट्रिय स्वतन्त्र पार्टीका उम्मेदवार गोविन्द पन्थीले अग्रता कायम राखेका छन् ।

साँझ ८ः१० बजेसम्मको मतपरिणाम अनुसार रास्वपाका पन्थीले ५७२६ मत प्राप्त गरेका छन् । नेकपा एमालेका गोकर्ण बिष्टले ५६३१ मत ल्याएर पछ्याइरहेका छन्।

यस्तै नेपाली काँग्रेसका भुवन प्रसाद श्रेष्ठले ४४७४ मत प्राप्त गरेका छन् भने नेपाली कम्युनिस्ट पार्टीका श्रीराम महतले ७७७ मत पाएका छन्।

यसअघि फराकिलो देखिएको मतान्तर इस्मा गाउँपालिकाको मतगणना सुरु भएपछि घट्दै गएको छ। आफ्नै पालिकाको मत गणना हुँदा एमालेका उम्मेदवार गोकर्ण बिष्टले मतान्तर घटाएका हुन्। हालसम्म पन्थी र बिष्टबीच ९५ मतको मात्र अन्तर रहेको छ।