काठमाडौं – प्रतिनिधिसभा निर्वाचनमा काठमाडौं क्षेत्र नम्बर १ बाट विजयी भएकी राष्ट्रिय स्वतन्त्र पार्टीकी उम्मेदवार रञ्जु दर्शनाले आफ्नो जितलाई स्वर्गीय नेता उज्वल थापाप्रति समर्पित गरेकी छन् ।

निर्वाचन परिणाम सार्वजनिक भएसँगै सामाजिक सञ्जालमार्फत प्रतिक्रिया दिँदै उनले यो विजय मुख्य रूपमा उज्वल थापाप्रति समर्पित रहेको उल्लेख गरेकी हुन् ।

दर्शनाले राष्ट्रिय स्वतन्त्र पार्टीमार्फत विवेकशील राजनीतिको यात्रा निरन्तर अघि बढ्ने विश्वास व्यक्त गरेकी छन् । उनले अब “सेवक सरकार” को अवधारणा कार्यान्वयन गर्ने समय र अवसर प्राप्त भएको पनि बताएकी छन् ।

“यो विजय मुख्यगरी तपाईँमा समर्पित, उज्वल दाई। राष्ट्रिय स्वतन्त्र पार्टीमार्फत विवेकशील राजनीतिको यात्रा सिकाइँ निरन्तर रहनेछ। सेवक सरकारको अवधारणा कार्यान्वयन गर्ने समय र अवसर पाएका छौं,” उनले स्टाटसमा लेखेकी छन् ।