काठमाडौं- झापा निर्वाचन क्षेत्र नम्बर ५ मा जारी मतगणनाको पछिल्लो परिणाम अनुसार राष्ट्रिय स्वतन्त्र पार्टी (रास्वपा) का उम्मेदवार बालेन्द्र शाहले फराकिलो अग्रता कायम गरेका छन् । पछिल्लो तथ्याङ्क अनुसार हालसम्म २० हजार २५४ मत गणना हुँदा शाहले १३ हजार ६७४ मत प्राप्त गरेका छन् ।

उनले आफ्ना निकटतम प्रतिस्पर्धी नेकपा एमालेका अध्यक्ष एवं पूर्वप्रधानमन्त्री केपी शर्मा ओलीलाई १० हजार भन्दा बढी मतान्तरले पछाडि पारेका हुन् । एमाले अध्यक्ष ओलीले हालसम्म ३ हजार ११ मत प्राप्त गरेका छन् ।

यस्तै, अन्य उम्मेदवारमध्ये नेपाली कांग्रेसकी मन्दरा चिमरियाले ६३० र नेपाली कम्युनिष्ट पार्टीका रन्जित तामाङले ३७० मत प्राप्त गरेका छन् ।

नेकपा एमालेको बलियो गढ मानिने यस क्षेत्रमा नयाँ उम्मेदवारको रूपमा उदाएका बालेन्द्र शाहको यो सुरुवाती अग्रतालाई राजनीतिक वृत्तमा निकै अर्थपूर्ण रूपमा हेरिएको छ।