काठमाडौं- रामेछाप प्रतिनिधिसभा निर्वाचन क्षेत्रको प्रारम्भिक मतगणनामा उज्यालो नेपाल पार्टीका उम्मेदवार दिप बहादुर योन्जनले अग्रता लिएका छन् । प्राप्त पछिल्लो विवरण अनुसार चिम चिन्ह भएका योन्जनले ६ सय ४२ मत प्राप्त गर्दै पहिलो स्थान कायम गरेका हुन्। उनलाई नेपाली कम्युनिष्ट पार्टी (नेकपा) का उम्मेदवार श्याम कुमार श्रेष्ठले ३ सय ९६ मतका साथ पछ्याइरहेका छन् ।

त्यसैगरी, नेपाली कांग्रेसका उम्मेदवार रामचन्द्र खड्का १ सय ४१ मतका साथ तेस्रो स्थानमा रहेका छन् भने नेकपा एमालेका उम्मेदवार माधव ढुङ्गेलले हालसम्म ९४ मत प्राप्त गरेका छन् ।

राष्ट्रिय स्वतन्त्र पार्टी (रास्वपा) का उम्मेदवार कृष्णहरि बुढाथोकी भने ६३ मतका साथ चौथो स्थानमा देखिएका छन् । रामेछापमा नयाँ र साना भनिएका दलहरूले स्थापित पुराना शक्तिहरूलाई कडा चुनौती दिइरहेका कारण चुनावी प्रतिस्पर्धा निकै रोचक बनेको छ।