काठमाडौं- राष्ट्रिय स्वतन्त्र पार्टीले समानुपातिकतर्फ पनि चुनावी आँधी ल्याउने देखिएको छ।

काठमाडौं क्षेत्र नम्बर १ बाट समानुपातिक मतगणना सुरू हुँदा प्रत्यक्षमा जस्तै घण्टीले चुनावी आँधी ल्याउने देखिएको हो ।

काठमाडौं १ मा हालसम्म ११ हजार १५४ मत गन्दा रास्वपाले ५९ प्रतिशत भोट पाएको छ। कांग्रेस १९ प्रतिशतका साथ दोस्रो छ भने राप्रपा ९ प्रतिशतसहित तेस्रो स्थानमा छ। एमाले भने केबल ५ प्रतिशतमा खुम्चिएको छ ।

काठमाडौं क्षेत्र नं. १ मा समानुपातिक मतगणनाको प्रारम्भिक नतिजाले रास्वपालाई स्पष्ट बहुमत देखाएको छ।

यो प्रारम्भिक नतिजा मतगणना जारी रहँदा परिवर्तन हुन सक्छ, तर हालको प्रवृत्तिले काठमाडौं १ मा रास्वपाले समानुपातिकमा पनि आँधी ल्याउने देखिएको छ।

यो क्षेत्रमा प्रत्यक्षतर्फ रास्वपाकै रञ्जु दर्शनाले जितिसकेकी छन्। रास्वपाको यो प्रदर्शनले काठमाडौं उपत्यकामा युवा तथा स्वतन्त्र विचारधाराको मतदाताको आकर्षण बढेको संकेत गरेको छ।