प्यूठान– प्रतिनिधिसभा निर्वाचन क्षेत्र एउटा मात्रै रहेको प्युठानमा राष्ट्रिय स्वतन्त्र पार्टीका उम्मेदवार सुशान्त वैदिकले अग्रता बनाएका छन्।

सुरूवाती मतगणनाअनुसार वैदिकले ५०५ मत प्राप्त गर्दै अग्रता बनाएका छन्। उनका निकटतम् प्रतिस्पर्धी नेपाली कांग्रेसका डा. गोविन्दराज पोखरेलले ४६६ मत पाएका छन्।

राष्ट्रिय जनमोर्चाका तिलकबहादुर जीसी १३४ मत, नेपाली कम्युनिष्ट पार्टीका कृष्णध्वज खड्का १०८ मतसहित पछ्याइरहेका छन् ।

यहाँ निवर्तमान सांसद एवम् नेकपा (एमाले) का सूर्यबहादुर थापा क्षत्री ६९ मतसहित पाँचौँ भएका छन् । श्रम संस्कृति पार्टीका गोविन्द गिरी र नेशनल रिपब्लिक नेपालकी तारा सिंह थापा मगरले ३–३ मत प्राप्त गरेका छन्।

प्यूठान जिल्लामा कुल जनसंख्या २२६,७९६ छन् । यहाँ १५९,७६० मतदाता थिए । जसमा ७७,७६९ पुरुष र ८१,९९० महिला मतदाता छन्।